Kryeministri Edi Rama ka qenë sot i ftuar në ceremoninë e diplomimit të 1,600 studentëve të Universitetit të Mjekësisë, por jo gjithçka ka kaluar e qetë.
Teksa Rama ka marrë fjalën, dikush ka nisur të bërtasë mes studentëve në sallën e Pallatit të Kongreseve. Ndonëse ka qenë e vështirë për t’u kuptuar se çfarë thoshte personi që i ndërhynte Ramës teksa fliste, kjo pasi regjia e kryeministrit u tregua vigjilente për t’ia ulur zërin mikrofonit, dukej se ai ishte i revoltuar për situatën në vend.
“Do arratisemi…”, është dëgjuar të thotë personi nga salla. Rama i është përgjigjur me batutë.
“Është një individ, që të filloni ushtrimin e profesionit sapo të hidhni kapelen tuaj, merreni dhe jepini recetën”, tha kryeministri Rama.
