Dëmtimi i Marcus Rashford po rezulton më i rëndë nga cfarë parashikohej dhe 22-vjecari rrezikon seriozisht Kampionatin Europian 2020.
Lajmin e ka konfirmuar Ole Gunnar Solskjaer, cili deklaroi: “Së fundmi Rashford pati një skanim dhe rezultatet ishin zhgënjyese pasi gjendja nuk është përmirësuar siç shpresonim dhe prisnim. Lojtari deklaroi se ndihej mirë por testet mjekësore tregonin të kundërtën”.
Sulmuesi i Manchester United, u dëmtua në pjesën e shpinës në muajin janar, në ndeshjen kundër Wolverhampton.
Këtë sezon anglezi ka shënuar 14 gola në Premier League dhe po zhvillonte sezonin më të mirë në karrierën e tij.
Trajneri i Anglisë, Gareth Southgate, po shpreson që sulmuesi të jetë gati në verë, por Solskjaer ka paralajmëruar se Rashford nuk do të marrë pjesë nëse nuk është në maksimumin e tij.
