Zbardhet identiteti i shqiptarit të arrestuar dy ditë më parë në Itali, i akuzuar për trafikun e 120 milionë eurove kokainë.
Mësohet se i arrestuari është Alfred Arapi, 42 vjeç nga Mirdita, i cili u arrestua në Perdenone në Italinë veriore. Ai po udhëtonte në një BMW të zezë me targa italiane, bashkë me dy persona të tjerë, në momentin e arrestimit.
Arapi u kap në rrugën ‘Vallona’, në orën 20:00 të 18 shkurtit. Ai punonte në Pordenone, Itali, prej disa vitesh në një kompani të përpunimit të hekurit.
Ndalimi i tij u bë për llogari të drejtësisë greke.
Ditën e arrestimit të Arapit, në Kalithea, Greqi është ndaluar dhe një grek, edhe ky i kërkuar si pjesë e të njëjtit grup. Ata janë pjesë e grupit të trafikut të 1.2 ton kokainë të kapur në fund të janarit të këtij viti në Aitiloakarnania, Greqi.
