Nënkryetari i PD-së, Edi Paloka, përmes një postimi në rrjet ka kujtuar 20 shkurtin 1991, ditë kur mijëra qytetarë të Tiranës, vërshuan nga Qyteti Studenti drejt sheshit Skënderbej dhe pas disa orësh përleshjeje me forcat e sigurisë së regjimit komunist rrëzuan bustin e Enver Hoxhës.
“Qelbësirat rrëzohen”, shkruan Paloka në rrjet, duke publikuar një foto nga rrëzimi i bustit dhe një fotomontazh, ku busti i diktatorit Hoxha, zëvendësohet me Edi Ramën.
Në fakt më 20 shkurt 2020, PD nuk ka organizuar asnjë tubim lidhur me ngjarjen e ndodhur 29 vite më parë, e cila shënoi një pikë kthese për Shqipërinë, në rrëzimin e simboleve të komunizmit.
Protesta e madhe e 20 shkurtit erdhi dy ditë, pasi mbi 700 studentë dhe pedagogë të asaj kohe nisën një grevë urie në Kino-Klubin e Qytetit Studenti, me kërkesën për heqjen e emrit të Enver Hoxhës nga Universiteti i Tiranës.
