Presidenti Ilir Meta ka hedhur akuza të forta në drejtim të deputetëve, që sipas tij ndodhen në atë gjysëm parlament.
“Gjysmë Parlamenti i dele deputetëve gënjen dhe mashtron. Dele deputetët dhunojnë dhe përdhunojnë Kushtetutën e vendit”, theksoi Meta.
Duke komentuar ndryshimin ligjor lidhur me procedurën e betimit të anëtarëve të Gjykatës Kushtetuese, Meta tha se kemi gjithashtu dokumentin e Komitetit Shqiptar të Helsinkit, i cili vlerëson se procesi i betimit para Presidentit nuk mund të bëhet në ndonjë vend tjetër.
“Personi betohet para Presidentit të Republikës dhe siç dihet atributet që Kushtetuta i ka atribuar një organi nuk mund të delegohen te një tjetër, pasi Kushtetuta është në zbatim të ligjit jo përdhunimit sic bëjnë gjysmëparlamenti dhe deputetët dele.
Akti i betimit nuk mund të jetë formal, duhet të kemi konsideratë pasi Presidenti refuzon të organizojë ceremoni betimi pasi i konsideron në kundërshtim me Kushtetutën dhe ligjin.
Vetë Gjykata Kushtetuese, sipas Komitetit të Heklsinkit, ka theksuar rolin e rëndësishëm të Presidentit, në balancimin e pushteteve, ndërhyrje në rast krizash etj”, tha Meta.
Në vijim ai theksoi se akti i betimit bëhet vetëm para presidentit. A
“Akti i betimit duhet të bëhet vetëm para presdentit. Kjo ndryshe shmang një kompetencë të presidentit sipas Helsinkit. Akti i betimit s’mund të jetë formal, duhet të kemi konsideratë për Presidentin.
Vetë Gjykata Kushtetuese ka thyer rolin e rëndësishëm të Presidentit të Shqipërisë. Ne çuditemi kur ka një rast që Parlamenti respekton ligjin. Kemi një problem të madh, nuk po gjejmë dot aktin se ku është realizuar betimi në fletoren zyrtare për Arta Vorpsin.
Ky është një shqetësim, sepse Parlamenti ka thirrur Venecian, por as ata nuk e kanë gjetur. Ne duhet të kemi një kopje në dorë”, u shpreh Meta.
