Nëse KÇK-ja e Ramës u formua në shkurt ajo e kryebashkiakut Veliaj ka kohë që vepron në kryeqytet. Por nëse ata të Ramës bllokojnë tek tuk ndonjë makinë luksoze apo objekt, këta të Lali Erit sekuestrojnë tufa me sallatë jeshile dhe me qepë të njoma, ndonjë vegël muzikore, apo dhe ndonjë thes me kanaçe apo bidona plastikë.
KÇK-ja e Lali Erit ka disa muaj që vazhdon veprimtarinë dhe prej orëve të para të mëngjesit të sotëm ishte sërish në aksion. Tre policë së bashku me xhipin e tyre zbarkuan në rrugën “Muhamed Deliun” dhe kapën në flagrancë “kriminelin” që i ka shkaktuar dëm super të madh Tiranës”. Madje e kapën dhe me prova konkrete, thesin me bidona plastikë në kurriz që sapo e kishte mbushur nga kazanët.
Ndoshta për Veliajn janë këta persona që i rritin taksat, shpenzojnë buxhetin publik për luks, japin lejët e ndërtimit për kulla dhe shkaktojnë trafikun në kryeqytet.
Por në të vërtetë ata, nxjerrin sa për të ngrënë një vakt bukë në ditë pasi janë në varfëri të skajshme që i ka lënë kjo bashki dhe qeveri.
