Studiuesi Agron Dalipaj ka protestuar sot para Akademisë së Studimeve Albanologjike. Dalipaj hodhi akuza të forta ndaj tre instituteve që ndodhen në Akademinë e Studimeve Albanalogjike, për të cilat tha se nuk punojnë për Shqipërinë dhe kombin shqiptar.
Dalipaj tha se është e turpshme heshtja nga qeveria dhe agjensitë ligjzbatuese ndaj veprimtarisë anti-shqiptare të kësaj Akademie.
“Anila Omari është zonja e zezë e Albanologjisë, e cila e konsideron gjuhën më të huazuar.
Këtu përgatiten veprat më anti-shqiptare. Akademia e zezë ku ndodhen punët e këqia kundër kombit shqiptar. Asnjë studiues këtu nuk ka studiuar genocidin serb dhe grek ndaj shqiptarëve.
Këto janë akte të rënda tradhëtie, këtu ka ligj për shpifjen ndaj një njeriu, por s’ka ligj po të shpifësh kundër kombit shqiptar.
Kjo Akademi duhet të çrrënjoset, nuk mund të bëhet çkombtarizimi i shqipes. Këta e nxjerrin 93 % të shqipes të huazuar”, tha Dalipaj
