Nënkryetari i PD-së, Edi Paloka, ka reaguar ndaj deklaratave të Kryeministrit Edi Rama, në Konferencën mbi Sigurinë në Mynih, sipas të cilit përsa kohë që Rusia do e ndjejë veten të rrtehuar nga NATO e BE, s’mund të ketë zgjidhje përfundimtare për konfliktin me Ukrainën.
Paloka shkruan në rrjet se me këtë deklaratë Rama ka justifikuar Rusinë dhe ka sulmuar NATO-n.
“Rama sapo akuzoi NATO-n dhe justifikoi Rusinë për situatën në Ukrainë e jo vetëm…
Nga Konferenca e Sigurisë në Berlin, nën veshjen e kryesuesit të OSBE-së, Rama sapo deklaroi live se Rusisë nuk mund ti vihet faj për sjelljen e saj në rajon “përderisa ajo të ndjehet e rrethuar nga NATO…”
Kryeministri i një vendi anëtar të NATO-s, bën këtë deklaratë përpara takimit të afërt me Putin!”, shkruan Paloka.
Në vijim, ish-deputeti thekson se asgjë nuk vjen rastësisht, as deklaratat e hershme të Ramës për një plan “B” të tij jashtë BE, as miqësia e ngushtë me Vuçië, as lancimi propagandimi dhe mbështetja i ideve ruso-serbe fillimisht për ndarjen e Kosovës e tani për minishengenin…
“Tani pritet të dalë në konferencë Tao Balla e të akuzoj Bashën si agjent të Rusisë…”, ironizon Paloka në postimin e tij në rrjet.
