Presidenti i Serbisë, Aleksandar Vuçiç, është takuar pasditen e së enjtes me të dërguarin e posaçëm të Shteteve të Bashkuara të Amerikës për dialogun Kosovë-Serbi, Richard Grenell. Takimi u mbajt në Bavari, ku dy zyrtarët kanë shkuar për të marrë pjesë në Konferencën e Munihut për Sigurinë. Pas takimit Presidenti serb ka shkruar në Twitter duke vënë theksin në largimin e taksës në mënyrë që dialogu të vazhdojë.
“Patëm një bisedë të hapur dhe të sinqertë. Është me shumë rëndësi që amerikanët insistojnë në heqjen e taksës. U jam mirënjohës Richard Grenell, Miko Pompeo dhe Presidentit Turmp. Kërkesa që është që të hiqen tarifat urgjentisht dhe që bisedimet midis nesh dhe Prishtinës të vazhdojnë” – shkroi Vuçiç në Twitter. Në takimin e Munihut do të marrin pjesë edhe presidenti dhe kryeministri i Kosovës.
