John Terry aktualisht zëvendës trajner i Aston Villas, të dielën do të përballet ndaj ish-trajnerit të tij, Jose Mourinho, në sfidën që Aston Villa luan kundër Tottenham-it.
Ndërsa në një intervistë për “The Mirror”, ish-mbrojtësi anglez, tregon disa detaje interesante nga aftësitë e Mourinhos, si dhe nuk ngurron të thotë që në kohën kur ai drejtonte Chelsea-n, lojtarët do të bënin gjithçka që kërkohej prej tij.
“Jose ka qenë trajneri më i mirë që kam pasur ndonjëherë. Çdo gjë që na thoshte në dhomat e zhveshjes realizohej në fushë. Nëse na thoshte që x ndeshje do ta fitonim 4-0 apo 5-0, ashtu ndodhte në realitet”.
“Kishte aftësi për të parashikuar të ardhmen. Mendoj se nëse do t’i kishte thënë lojtarëve që do të niseshim për në hënë, do të ishim nisur ose të paktën do e kishim provuar“. – thekson John Terry
