Një punonjës i policisë ka hyrë në oborrin e një banese me makinën e tij, në Fier. Më pas, është konfliktuar me pronarin dhe e ka plagosur në dorë me armën e shërbimit.
“Në orët e para të mëngjesit të sotëm, shtetasi Paulin Shpani, 41 vjeç, banues në Tiranë, me detyrë punonjës policie në repartin e FNSH Fier, duke drejtuar në gjendje të dehur automjetin tip ‘Benz’, në lagjen ‘Sheq i Madh’, ka humbur kontrollin, ka dalë nga rruga dhe është futur në oborrin e banesës së shtetasit Soni Meço, 70 vjeç. Pasi është konfliktuar me pronarin e shtëpisë, ka nxjerë armën dhe e ka plagosur në gishtin e dorës të moshuarin, i cili është jashtë rrezikut për jetën”, njoftoi policia.
“Eshtë shoqëruar në Drejorinë Vendore të Policisë Fier shtetasi Paulin Shpani dhe po kryhen nga SHÇBA veprimet proceduariale dhe hetimore për zbardhjen e plotë të ngjarjes”, shtuan të njëjtat burime.
