Kjo tortë u përgatit për gruan më të vjetër, të paktën për në Shqipëri. Gjela Mhilli jeton në Tarazh të Mirditës.
Gruaja që mbahet ende e fortë, mbushi 116 vjet. Është hera e pare që ajo qëndron në shtrat për shkak të gripit. Hera e parë është edhe që ajo po përdor ilaçe.
Gjela ka 100 nipër e mbesa. Të gjithë e kanë takuar stërgjyshen e tyre dhe ajo i kujton shpesh.
Djali i madh i gruas 116 – vjeçare nuk jeton më. Kurse i dyti është 76 – vjeç. Gjela u pajis me kartën e identitetit në fillim viti, pasi për një moshë të tillë ajo përfiton një pension të veçantë prej 5 mijë lekësh. Në zgjedhjet vendore të vitit të kaluar, Gjela nuk u lejua të votoje.
