Skuadra e Teutës në javët e fundit ka lëshuar shumë nga forma e mirë që po kalonin. Ekipi durrsak ka humbur disa pozicione në tabelë teksa aktualisht renditen të gjashtët.
Ndërsa ditën e sotme, klubi ka njoftuar disa ndryshime në stafin teknik. Edi Martini vazhdon detyrën e tij si trajneri i skuadrës, por është larguar ndihmësi i tij, Gentian Begeja si dhe trajneri i portierëvë, Alfred Osmani.
Teuta me një deklaratë në rrjetet sociale, ka falënderuar për punën e tyre të larguarit ndërsa si zëvendësues të tyre janë emëruar, Bledar Hodo dhe Bledian Rizvani.
Nuk dihet nëse këto ndryshime kanë të bëjnë me rezultatet e skuadrës së fundmi apo janë lëvizje të menduara më parë nga klubi.
