Biznesmeni Dashamir Gjoka u shoqërua për disa orë në polici me datë 7 shkurt për motive ende të paditura. Ai u kap në Fushë-Prezë, teksa udhëtonte me makinën tip “X6”, së bashku aktoren dhe modelen e njohur Nertila Kapaj, raporton “gazeta Reforma”.
Kapaj është një emër i njohur për publikun shqiptar, të gjithë e njohim historinë e lidhjes së saj me shokun e reperit Stresi, Jetnis Dollapi, i cili ndërroi jetë në vitin 2016 pas një aksidenti me motor.
Ajo njihet si “vajza e 500 trëndafilave”, dhurata karakteristike që i bënte i dashuri i ndjerë.
Nertila është e angazhuar gjithashtu edhe në botën e biznesit, që si duket i sjell goxha të ardhura. Aktorja ka deklaruar pothuajse në çdo intervistë se bën një jetë përrallash mes luksit, bodyguard-ëve dhe shërbëtorëve, shkruan “Icon Style”.
“Unë në jetën reale shoqërohesha nga bodyguard-ë dhe shërbëtorë, pra, vetë jeta ime ka qenë një film,”- ka thënë Kapaj shpesh nëpër daljet publike.
Megjithatë, nuk dihet ende lidhja që ajo mund të ketë me biznesmenin Gjoka dhe arsyeja pse përfunduan në komisariat.
Nga ana tjetër, Dashamir Gjoka ka qenë i ndaluar në Itali për “shfrytëzim prostitucioni” dhe për momentin është nën lupën e OFL pasi zotëron një pasuri të majme./Icon Style
