Prej kohësh flitet se aleatët e Partisë Demokratike mund të krijojnë një koalicion, jashtë atij me PD-në.
Fatmir Mediu, kryetar i PR-së, dhe Nard Ndoka i PDK-së, shprehen për Koha Jonë se nuk ka asnjë mundësi që aleatët e PD-së të krijojnë një koalicion jashtë atij me demokratët.
“Koalicioni do jetë vetë me PD, nuk ka asnjë koalicion opozitar jashtë PD-së!”, thekson Mediu.
Ndërsa Nard Ndoka shprehet se ideja e ndryshimit në Kodin Zgjedhor, mundëson garë edhe brenda koalicionit.
“Sa më i madh kaolicioni, aq më e sigurtë fitorja ndaj Ramës. Zgjerimi i bazës mbështetëse bazuar me formulen që propozohet është më efikase”, thekson ai.
Nisur nga deklarimet e Ndokës dhe Mediut duket se mundësitë që aleatët e PD-së të formësojnë një koalicion jashtë atij me demokratët është i pamundur.
