Gjykata e Shkodërs vendosi arrest me burg për katër të arrestuarit e tre ditëve më parë, të cilët plagosën një kalimtare të pafajshme në bulevardin e Shkodrës.
Autorët ishin vënë në ndjekje një personi tjetër dhe gabimisht qëlluan mbi shtetasen Liljana Jeremia.
Gjatë dëshmisë së dhënë në gjykatën e Shkodrës Ension Buraka ka deklaruar se fillimisht ka qëlluar ndaj tyre Mirsad Meta dhe ato i janë kundërpërgjigjur për vetëmbrojtje.
Katër të rinj kanë qëlluar ndaj njëri-tjetrit në qytetin e Shkodrës me pistoleta, duke lënë të plagosur një kalimtare të rastit, shtetasen Liljana Jeremia, 35 vjeçe, nga Njësia Rrethina në Shkodër.
Ngjarja ka ndodhur në orët e vona të së mërkurës, te pedonalja e qytetit të Shkodrës, ndërsa 35-vjeçarja ka marrë një plumb në këmbë dhe ndodhet jashtë rrezikut për jetën. Policia ka arrestuar tre autorët e dyshuar, shtetasit Arxhend Rexha, 31 vjeç, nga Durrësi; Riad Xheladini, 22 vjeç, nga Maqedonia e Veriut; Ension Buraku, 28 vjeç, nga Durrësi, të cilët dyshohen për veprat penale “Vrasja në rrethana cilësuese”, “Plagosja e lehtë me dashje”, “Armëmbajtja pa leje”. Këta tre shtetas dyshohet se i kanë bërë atentat shtetasit Mirsad Meta, nga Njësia Rrethina Shkodër.
Sipas avokatit Julian Ballta, gjykata vendosi arrest me burg për katër personat në kërkim.
“Kërkesa jonë ka qenë për arrest në shtëpi, kemi ngul këmbë në qëndrimin tonë, siç pretendon edhe klienti im që ka ardhur në Shkodër për një sqarim. Ension Buraku, ka ardhur për një takim në Shkodër, ato njiheshin me njeri tjetrin, nuk kishte qëllim për shkëmbim zjarri apo atentat. Për shkak të konflikteve ka pasur armë me vete, të gjithë kanë deklaruar se Ensioni nuk kishte qëllim për shkëmbim zjarri, Mirsad Meta ka qëlluar në drejtim të Ension Burakut dhe për t’u mbrojtur kanë shkëmbyer zjarr për vetëmbrojtje.
Mesa ka deklaruar personi janë konflikte para 3-4 vitesh, kryesisht hatër mbetje, nuk ka deklaruar se janë konflikte për drogën.
Ension Buraku ka dyshime se tritoli është vendosur nga Mirsad Meta por s’ka ende prova të mjaftueshme. Do jetë drejtësia që do i vërtetojë. Ka pasur konflikte që në shtetin gjerman konflikte fizike jo me armë.”
