Policia e Shtetit vazhdon kontrollet në të gjitha akset kryesore të vendit. Në fokus janë mjetet e shtrenjta dhe verifikimi i kontrollit të dokumentacionit të tyre. Ndërkohë drejtuesit e mjeteve janë të detyruar që në momentin që ndalohen të plotësojnë një formular ku të shkruajnë origjinën e mjetit dhe të të ardhurave me të cilën e kanë blerë.
Një situatë e tillë ka sjellë reagimin e qytetarëve, të cilët ndihen të shqetësuar. Raportohet se në shumë qytete drejtuesit e automjeteve kanë kundërshtuar të bëhen pjesë e kontrolleve rutinë të policisë dhe nuk kanë pranuar të plotësojnë formularët. Më pas ata janë shoqëruar.
Mëngjesin e kësaj të diele, policia e Vlorës ka vazhduar kontrollet në pikat hyrëse dhe dalëse të qytetit. Sipas njoftimit të policisë Vlorë, janë ndaluar dhjetëra automjete të cilat pas verifikimit janë dërguar në komisariat.
Sipas burimeve nga policia e shtetit në total në të gjithë vendin i janë nënshtruar verifikimeve mbi 100 automjete luksoze të cilat janë të vit prodhimit nga 2016-2020. Pjesa më e madhe janë liruar ndërsa pjesa tjetër vijojnë të jenë të bllokuar për shkak se pritet informacion nga vendi i origjinës së prodhimit të makinës. Ndërsa ky aksion për verifikimin e automjete të luksit, është bërë pasi mund t’i vij në ndihmë edhe OFL për verfifikimet që po kryhen. Gjithashtu për personat e shoqëruar në të gjithë vendin nuk është konstatuar ndonjë person me rrezikshmëri kriminale, por janë duke u mbajtur nën vëzhgim, pasi disa prej tyre janë përdorues të lëndeve narkotike
Video e mëposhtme tregon kontrollet nga policia e Vlorës sot në mëngjes.
