Aksidenti ajror i 26 janarit ku humbën jetën 9 persona përfshirë dhe Kobe Bryant e vajza e tij, Gianna tronditi të gjithë botën e sportit dhe jo vetëm.
Së fundmi, TheFlightChannel në YouTube, ka publikuar pamje 3D të fluturimit dhe etapat që ndoqi helikopteri deri në përplasjen fatale.
Sipas Bordit Kombëtar të Sigurisë së Transportit në SHBA, i cili po drejton hetimet për shkaqet e aksidentit, raportoi se helikopteri nuk ka pasur probleme në motor, ndërsa hetimet do të përqëndrohen në motin e keq dhe në vendimet drejtuese që ka marrë piloti.
