Barcelona është në një moment paqartësie, teksa mosmarrëveshjet mes Messi-t dhe bordit drejtues kanë sjellë pasoja negative në rezultatet e skuadrës. Skuadra ka humbur kryesimin në La Liga ndërsa janë të eliminuar dhe nga Kupa e Mbretit dhe e ardhmja nuk duket e mirë.
Në lidhje me këtë situatë, Christophe Dugarry, ish-lojtari i Barcelonës në një intervistë për “RMC Sport”, ka sulmuar haptazi klubin blaugranas.
“Barcelona është një klub klounësh dhe pa asnjë pikë klasi. Gjithçka është bërë mbrapsht. Ata blenë Coutinho dhe Dembele, ata blejnë lojtarë dhe i shesin më pas. Të krijohet përshtypja se klubi nuk ka një projekt. Çdo seksion merkato shoqërohet me problem”.
Klubi ka humbur identitetin pas largimit të Xavit dhe Iniestës, edhe pse kanë shpenzuar shumë para. Mbi të gjitha kanë një imazh shumë të keq. Ka shumë persona në atë klub që nuk kanë elegancë dhe klas“, – ka thënë Christophe Dugarry.
