Një 35-vjeçar humbi jetën mbrëmjen e djeshme si pasojë e një aksidenti rrugor të ndodhur në aksin Elbasan-Peqin. Automjeti tip Benz, me targë AA 572 RM, që drejtohej nga Suel Spahiu, doli nga rruga dhe ra në lumin Shkumbin.
Policia u njoftua nga kalimtarë të rastit lidhur me aksidentin, ndërsa nuk dihet se cili ishte shkaku i tij.
Shërbimi zjarrfikës i është dashur rreth 2 orë që të nxjerrë makinën dhe trupin e pajetë të 35-vjeçarit.
Grupi hetimor ka kryer veprimet përkatëse për të përcaktuar shkaqet e aksidentit.
Njoftimi i policisë:
Mbrëmjen e djeshme në aksin rrugor Elbasan – Peqin, në fshatin Murras, shtetasi S.S., 35 vjeç, banues në Elbasan, duke drejtuar mjetin tip “Benz”, ka dal nga rruga dhe ka rënë në lumin Shkumbin, për pasojë ka ndëruar jetë drejtuesi i mjetit.
Shërbimet e Policisë dhe të Zjarrfikses bënë të mundur nxjerrjen e mjetit nga lumi ku brenda tij u gjet i pa jetë drejtuesi i mjetit shtetasi S.S.
Vijon puna për zbardhjen e plotë të shkakut të aksidentit.
