Prania e Cristiano Ronaldos dhe e të fejuarës së tij, Georgina Rodriguez në festivalin e Sanremos të vitit 2020, ka bërë që shikueshmëria të pësojë një rritje të madhe.
Mbrëmja e djeshme e cila ishte nata e tretë që mbahej festivali, pësoi një rritje në shikueshmëri prej 54.5%, në krahasim me netët paraardhëse. Në total ishin 9.9 milionë persona që ndoqën shfaqjen në televizionin italian RAi1. Ndërsa vitin e kaluar festivalin e ndoqën rreth 9.4 milionë persona.
Audienca e mbrëmjes së djeshme, ishte më e madhja që nga viti i largët 1997. Një strategji kjo e drejtuesve të emisionit të cilët paguan shuma të mëdha për pjesëmarrjen e Georginës dhe ndoshta prania e CR7-s ka qenë një kusht i tyre për të tërhequr sa më shumë audiencë.
