Georgina Rodriguez, partnerja e Cristiano Ronaldos, ka prezantuar në natën e tretë të festivalit të Sanremos. Posaçërisht për këtë mbrëmje, ajo kishte përgatitur një tango dhe kërceu në skenë.
Ajo u shfaq e veshur me një fustan të zi, me flokë të kapura dhe lëvizjet e saj krahas balerinëve tjerë i lanë të gjithë gojëhapur.
Georgina, pas performancës joshëse dhe mahnitëse, u shpreh se kjo ishte hera e parë që kërcente një tango dhe partneri, Ronaldo, e kishte ndihmuar shumë për t’u përgatitur. Futbollisti ndodhej në rradhën e parë të publikut dhe e shihte gjithë adhurim.
Moderatori Amadeus i dhuroi bukuroshes një tufë me lule, të cilat ajo ia dha Ronaldos. Georgina zbriti nga skena dhe shkoi pranë partnerit duke i dhuruar një të puthur.
