I ftuar në studion e Euro News , ish prokurori Gentian Trenova e konsideroi të padrejtë dhe në kundërshtim me Kushtetutën aktin normative të qeverisë Rama për Operacion Forca e Ligjit, ose paketën anti-KÇK.
Teksa deklaroi se nuk ka aspak dëshirë të komentojë deklaratat e ambasadorëve në vendin tonë duke thënë se në shumicën e rasteve nuk janë koherente, Trenova tha se situata nuk duket të jetë normale.
“Akti normativ ka disa probleme të rëndëisshme. Ka shkelje të drejtës kushtetuese. Ka dispozita të një Kodi Penal dhe të Kodit të Procedurës Penale dhe duke qenë se janë të natyrës procedurael, ligji duhej të miratohej me 3/5 të deputetëve.
Vet kushtetuta thotë në nenin 83 që procedura e përshpejtuar nuk mund të lejohet, pra aktet që janë pjesë e një kodi nuk mund të ndiqet procedura e përshpejtuar. Cënohet e drejta e pronësisë, e drejta kushtetuese. Dublon Kodin e Procedurës penale. Nuk kuptohet sesi do të zbatohet një nen apo një nen tjetër”.
