Me 72 vota pro, 10 kundër, 6 abstenim (12 nuk votuan), Kuvendi i Shqipërisë vendosi të mërkurën e 18 Dhjetorit, shkarkimin e Arben Malajt si anëtar i Këshillit Mbikëqyrës në Bankën e Shqipërisë. Lidhur me vendimin, Malaj ka depozituar padi në Gjykatën Administrative të Tiranës.
Në deklaratën e tij nga foltorja e Kuvendit, para votimit, Malaj tha se ndaj tij po bëhet një gjyq politik.
Ishin deputetë socialistë ata që dorëzuar në Kuvend kërkesën për shkarkimin e Malajt, me argumentin se ka shkelur etikën e postit në BSH me deklaratat e tij publike. Malaj, shpeshherë, ka qenë kritik ndaj qeverisë Rama dhe kryebashkiakut të Tiranës Erion Veliaj.
Kërkesa e ligjvënësve socialistë kaloi në komisionet parlamentare si dhe u votua dhe në Kuvend. Tanimë, beteja e Arben Malajt, ish-ministër i Financave në qeverinë socialiste të Fatos Nanos, vijon në gjykatë.
