Forcat RENEA dhe policia mësohet se kanë zbarkuar prej orëve të para të mëngjesit në qytetin e Lezhës duke kryer një aksion policor.
Burimet bëjnë me dije se po ushtrohen kontrolle në disa objekte dhe ndërtesa.
Mësohet se uniformat blu po krehin zonën për kapjen e personave të tjerë të implikuar në vrasjen e Jan Prengës. Pas Shijakut dhe Shkodrës, ky është qyteti i tretë ku dyshohet se ka persona të implikuar për vrasjen e 17 janarit të 2019, ku Jan Prenga u vra për shkak se vëllai i tij në Angli mbajti peng sasinë prej 300 kg kokainë e cila i përkiste në fakt një shqiptari të burgosur në Ekuador, Dritan Rexhepajt nga Vlora.
Në pranga për këtë rast derimë tani janë vënë 6 persona, duke përfshirë dhe një anëtar të familjes Doçi në Shkodër, i cili u vetëdorëzua gjatë ditës së djeshme.
Trupi i Prengës nuk është gjetur ende, pavarësisht se vijojnë kërkimet prej të paktën 10 ditësh.
