“Emergjenca është një nga problematikat që nuk kuptohet se ku është, se në qoftë se do ishim në kushtet e emrgjencës qeveria duhet të pranonte se ka dështuar në luftënm kundër krimit” Kështa ka deklaruar avokat Ledio Braho në lidhje me paketën anti-KÇK, një akt normativ me fuqi ligjore i miratuar së fundmi nga qeveria.
Në një intervistë për televizionin Shijak, Braho deklaroi se kjo paketë tregon se ka një prapaskenë tjetër. Sipas tij është e vërtetë që krimi në Shqipëri është ulur këmbëkryq, por krimi duhet të luftohet me mekanizma ligjorë dhe kushtetuesë.
“Pjesa anti-KÇK nisi një batutë nga ana e kryeministrit para disa muajsh, më tej u konkretizua me një show në lidhje me platformën anti-KÇK që ishte në nëntor dhe në fund të janarit çuditërisht u njoftua nga kryeministria se ishte miratuar një akt normative me fuqinë e ligjit në datën 31 janar nga Këshilli i Ministrave. U miratua duke e konsideruar situatën si emergjente dhe të përkohshme. Emergjenca është një nga problematikat që nuk kuptohet se ku është, se në qoftë se do ishim në kushtet e emrgjencës qeveria duhet të pranonte se ka dështuar në luftën kundër krimit dhe në momentin që ka dështuar nuk mundet që me të njëjtit persona pra me të njëjtin kryeministër me të njëjtin ministër të Brendshëm me të njëjtin Drejtor të Përgjithshëm Policie të injiciojë një procedurë të tillë që është krijimi i OFL-së, aq më tepër që një operacion i tillë, një strukturë e tillë ka qenë në strukturën e shtetit që më parë dhe nuk ka bërë asgjë. Pra e gjitha kjo duket se ka një prapaskenë tjetër dhe e vërtëta është që nuk mund të ketë një situatë tjetër. E vërteta nuk është që të ketë një situatë emergjente. Është e vërtetë që në Shqipëri krimi është ulur këmbëkryq por krimi duhet të luftohet me mekanizma ligjorë dhe kushtetuesë. Shqipëria ka kohë që ka një ligj Anti-Mafia, ka kohë që ka një ligj për parandalimin e pastrimit të parave, ka kohë që ka një kod procedure penale të ndryshuar sipas paketës së Reformës në Drejtësi, ka një ligj të miratuar si pjesë e Reformës në Drejtësi që është ligji për krijimin e SPAK-ut dhe BKH-së gjithë ky korpus ligjor është mëse i mjaftueshëm që të luftohet krimi. Aq më tepër që po krijohet BKH-ja dhe qeveria miraton këtë akt normative me fuqinë e ligjit i cili ka hyrë në fuqi pa kaluar në Parlament pa ia dhënë mundësia Presidentit që të japi një mendim lidhur me kushtetuëshmërinë e tij dhe në momentin kur Shqipëria nuk ka Gjykatë Kushtetuese situata bëhet edhe më problematike pasi bëhet fjalë për një akt normative që cënon liritë dhe të drejtat themelore të njeriut” – u shpreh avokat Braho.
