Torino ka shkarkuar trajnerin Walter Mazzarri dhe ka emëruar si zëvendësues të tij Moreno Longo.
Vendimi për të shkarkuar Mazzarrin, erdhi pas një serie rezultatesh negative, të cilat kulminuan me humbjet e thella 7-0 dhe 4-0 respektivisht kundër Atalantës dhe Lecces.
Mazzarri ishte në drejtimin e klubit që nga janari i vitit 2018 dhe vitin e kaluar e renditi skuadrën në vendin e shtatë ndërsa nuk arriti të kualifikohej për në grupet e Europa League pasi humbi ndeshjen e playoff-it kundër Wolves.
Ndërsa nga ana tjetër, trajneri aktual, Longo, nuk është i panjohur në Torino, pasi ka luajtur si futbollist me klubin si dhe ka drejtuar skuadrën e të rinjve, duke fituar skudeton dhe Kupën e Italisë në nivelet e Primaverës.
https://twitter.com/TorinoFC_1906/status/1224665195345256453
