Në arkivën e Prokurorisë, po të kerkosh gjen një njoftim që flet për sekuestrimin e kompleksit turistik Golden, aty ku dyshohet se u mbajt, u torturua dhe u vra pengu, Jak Prenga.
Pikërisht, kjo ka ndodhur në vitin 2015. Prokuroria ka marrë këtë masë, sic thotë, pas kërkesës së autoriteteve italiane, pasi ata kishin prova se vëllezërit Hajri merreshin me trafik të lëndëve narkotike.
Mesa duket, më vonë, sekuestroja do jetë rrëzuar në Gjykatë.
Por, cka bie në sy është se, aksioni i shitur kaq shtrenjtë dhe me kaq bujë sot nga qeveria, është një gjë që ka ndodhur edhe më parë.
Dhe, edhe kësaj radhe, cështja sërish do shkojë në Gjykatë brenda dy javëve. Gjykata vlerëson nëse burimi i pasurisë është i ligjshëm apo jo.
