“Po transferoni shefat e policisë mbi 40 km nga banesat e tyre. Nuk u njihet vjetërsia e punonjësve të policisë, janë 32 ambulanca pa asnjë letër. Thoni se keni bërë testime? Çfarë testimesh keni bërë? Pse keni larguar nga strukturat punonjësit profesionistë dhe të ndershëm”, tha ai.
Maliqi tha se janë shkelur ligjet me komandimet që i janë bërë drejtuesve të niveleve të ndryshme në burgje.
“Komanduat Bardh Kaçorrin zv.Drejtor i Përgjithshëm, një ushtarak. Komanduat drejtorin e burgut në Korçë, një ushtarak. Po si mund të lihen ushtarakët të komanduar?
Komandime keni në strukturën e Drejtorisë së Përgjithshme, e keni kthyer drejtorinë e burgjeve në një pronë private.
Në krye të Burgut të Peqinit keni kunatin e Vasilika Hysit, ndërhyri ajo dhe nuk e hoqi dot.
Ju s’lejoni të bëhet auditi në burgje. Pse e shkarkuat Arben Çukon po Stefan Çipën? Hoqët këto dhe vutë si drejtor një të paaftë dhe pa arsim, për të cilin kanë kërkuar shkarkimin por e mban Kryeministri në detyrë.
Marrim rastin e fundit të Kacorrit, që ka qenë një profesionist. Ai denoncoi drejtorin e përgjithshëm dhe iu përgatit kurthi për rastin “Dajti” dhe e shkarkon”, tha Maliqi.
Deputeti tha se në këtë rast u respektuan rregullat, pasi si Drejtori i Përgjithshëm i Burgjeve, ashtu edhe ministrja e Drejtësisë, ishin në dijeni të rastit.
“Ka shkelje të rënda ligjore në emërimet, larguan socialistët dhe profesionistët dhe sollët këta njerëz, që s’kanë as arsim.
Sot del ky drejtori i famshëm i burgjeve dhe bën shoë, duke hyrë në një garë për të drejtuar BKH”, tha Maliqi.
