“Coronavirus” po kthehet në një shqetësim për të gjithë botën, pasi harta me të prekurit nga kjo epidemi po zgjerohet gjithnjë e më shumë. Numri i të vdekurve po shtohet edhe pse viktimat deri tani janë shënuar vetëm në Kinë.
Por shpërthimi i këtij virusi ka sjellë shumë zëra për teori konspiracioni që flasin se kjo epidemi është e prodhuar në laborator.
Një nga hipotezat më të forta është se arsyeja e krijimit të këtij virusi është ajo e shitjes së prodhimeve farmaceutike ose ndoshta shitja e një vaksine, e cila është krijuar më parë se të jetë krijuar virusi.
Ndërkohë që shkencëtarët kinezë bënë të ditur që krijimi i një vaksine donte të paktën një vit që të gjendej dhe testohej, studiues nga Gjeneva në Zvicër bënë njoftimin e rëndësishëm se ata e kanë një antidot, i cili e vret këtë lloj virusi.
Për më tepër kompanitë farmaceutike dhe ato të kërkimeve shkencore kanë pësuar një rritje të jashtëzakonshme në bursë. Vetëm në Amerikë janë vlerësuar nga investuesit 5 kompani farmaceutike. Një prej tyre Vir Biotechnologies në San Francisco ka pësuar një rritje prej 97% me një kapital që arrin në rreth tre miliardë dollarë.
Gjithashtu performancë të shkëlqyer në bursa kanë pasur edhe kompanitë Novavax, Inovio pharmaceuticals dhe Moderna, me rritje marramendëse të çmimit të aksioneve të tyre në bursat ndërkombëtare.
Me tre fjalë ndonjë njeri i fiksuar pas konspiracionit do e përshkruante situatën se : coronavirus u krijua për të shitur ato që janë prodhuar. Derisa kompanitë farmaceutike arrijnë të shesin kjo është një teori konspirative e vërtetuar por nuk përjashtohet edhe fakti që çdo gjë të jetë rastësi.
Ndërkohë që dhe seriali i animuar “The Simpson” kisht parashikuar shpërthimin e koronavirusit vdekjeprurës me origjinë nga Kina.
Në episodin e transmetuar 27 vjet më parë, në vitin 1993, tregon së si një virus i quajtur Gripi Osaka përhapet nëpër Springfield pasi banorët porositin lëngje nga Japonia. Fansat prej ditësh kanë nisur të postojnë ngjashmëritë mes historisë së treguar në episodin e “The Simpson” me atë që po ndodh aktualisht.
