Është mbyllur takimi mes Burnley dhe Arsenal, në barazim 0-0. “Topçinjtë” regjistrojnë kështu barazimin e katërt radhazi në kampionat.
Një lojë e vakët e nga londinezët të cilët nuk bënë asgjë për të merituar fitoren,madje sulmuesi Rodriguez kishte shansin e artë për t’i dhënë fitoren djemve të Sean Dyche.
Në minutën e 78-të, sulmuesi i Burnley humbi një gol të sigurt, ku nga një distancë e afërt me portën e boshatisur, goditi traversën.
Mesut Ozil luajti ndeshjen e 250-të me Arsenalin, por nuk arriti të lërë gjurmë. Në hije ishte dhe Aubameyang, i cili u rikthye i gatshëm pas dënimit me tre ndeshje për shkak të një kartoni të kuq kundër Crystal Palace. Zona Champions duket e pamundur tashmë për Arsenalin, që vazhdon të militojë në mes-tabelë.
