Policia e Korçës procedon penalisht Administratorin e Shoqërisë që ka shfrytëzuar tokën ku u mbyten dy të rinj pak ditë më parë në një rezervuar.
Gjithashtu policia ka nisur procedim penal edhe për ish-Kryetarin e Komunës Drenovë si dhe administratorin e kësaj Njësie Administrative për “Shpërdorim detyre”.
Sipas policisë së Korçës, pas hetimeve të kryera rezulton se shoqëria private që ka shfrytëzuar tokën ku u mbyten dy të rinjtë ka mungesë dokumentacioni në lejen për shfrytëzimin e tokës.
Më datë 19 gusht, dy të rinj, Rei dhe Berti Tahirllari, 18 dhe 19 vjeç, kushërinj me njëri-tjetrin, u mbyten në rezervuarin e fshatit Qatrom, në vendin e quajtur “Gropa e Danielit”
