Paris Saint Germain mposhti pa shumë vështirësi 5-0 Montpellier mbrëmjen e sotme në “Parc Des Princes”, në një sfidë që pritej të ishte shumë më e komplikuar për kryeqytetasit.
Trajneri Tuchel kishte lënë në stol Mauro Icardin, i cili nuk shënonte prej disa javësh, ndërsa në majë të sulmit luante Mbappe, i mbështetur nga Di Maria, Neymar dhe Sarabia.
Ishte pikërisht ky i fundit që shënoi golin e parë që në start të takimit, ndërsa në minutën e 17’ Bertaud komplikoi gjithçka për Montpellier, duke e lënë me 10 lojtarë në fushë, pasi u ndëshkua me karton të kuq.
Di Maria, autogol i Congre dhe Mbappe e Kurzawa në pjesën e dytë, kompletuan fitoren e thellë të kryeqytetasve, që u ngjitën në kuotën e 55 pikëve, 13 më tepër se Marseille e vendit të dytë.
