Tërmetet që ranë në Itali kanë tronditur edhe vendet e tjera Europiane dhe ato fqinje me këtë shtet. Të gjithë kanë të njëjtën pyetje: Po vendi ynë a rrezikohet nga tërmetet?
Të dhënat sipas Shërbimit Sizmiologjik zviceran tregojnë se Shqipëria renditet ndër vendet me rrezikshmëri të lartë për tu prekur nga tërmetet.
Sipas hartës, Shqipëria është ndër vendet e rrezikuara nga tërmetet. Ngjyra e kuqe tregon se vendi ynë rrezikohet kryesisht në Ultësirën Perëndimore, së bashku me Greqinë, Maqedoninë, Italinë dhe Turqinë.
termetItalia po vuan periudhën e saj më të keqe, më shumë se 250 viktima janë zyrtarizuar deri tani dhe shumë të tjerë kanë ngelur të plagosur, pa sy, pa këmbë, me pak fjalë sakat, për të mos folur për dëmet e mëdha materiale.
Një qytet i tërë u rrënua thuajse plotësisht nga lëkundjet 6.2 ballë të shkallës rihter dhe ekziston frika se tërmeti do prekë edhe qytetet e tjera italiane.
Përgjatë viteve në Shqipëri kanë rënë tërmete të fuqishme, duke filluar nga ai i Shkodrës dhe i Llogarasë me 9 ballë si dhe tërmeti i Peshkopisë në 1967 me 8 ballë.
Tërmetet më të fuqishme në Shqipëri
Tërmeti i Shkodrës 1905 9 ballë
Tërmeti i Llogarasë 1930 8-9 ballë
Tërmeti i Peshkopisë 1942 8 ballë
Tërmeti i Urës Vajgurore 1959 7 ballë
Tërmeti i Peshkopisë 1967 7-8 ballë
Tërmeti i Shkodrës 1979 6.9 ballë
