Një shqiptar 39 vjeç është dënuar nga Gjykata Penale e Crotone-s me 7 vjet burgim për akuzën e përdhunimit të mbesës së tij, e cila ishte e mitur kur ka ndodhur ngjarja.
Siç raportojnë mediat lokale, prokurori Giampiero Golluccio kishte kërkuar për 7 vjet e 6 muaj burgim. Ndërkohë, mbrojtja që përfaqësohej nga avokati Silvano Cavarretta kërkoi shpalljen të p[pafajshëm të 39-vjeçarit.
Përveç dënimit me burg, trupi gjykues i kryesuar nga Abigail Mellace ka urdhëruar gjithashtu të pandehurin që të paguajë 5000 euro në favor të palës së dëmtuar.
Sipas hetimeve të prokurorisë: 39-vjeçari shkoi në banesën ku jetonte vajza, asokohe shtatëmbëdhjetë vjeçe, dhe duke përdorur forcën e detyroi të kryente një marrëdhënie intime me të. Gjatë hetimeve, prokurori Alfredo Manca, kishte kërkuar zhvillimin e një simulimi të ngjarjes, gjatë së cilës vajza konfirmoi faktet siç përshkruhen në akuzë.
Sot vajza është në moshë madhore.
I pandehuri, gjatë çështjes gjyqësore, është proceduar në gjendje të lirë. Autoriteti gjyqësor asnjëherë nuk ka urdhëruar ndonjë masë arresti me burg ndaj tij. /BN/
