Nga Shërbimet e Komisariatit të Policisë Pukë, në vijim të kontrollit të territorit për goditjen e kultivimit të bimëve narkotike, kanë arrestuar shtetasin Kujtim Përndoj, 29 vjeç, banues në fshatin Ungrej, Lezhë.
Gjatë kontrrollit të ushtruar në vendin e quajtur “Laku i Mollës” fshati Mollë Kuqe, njësia administrative Qafë Mali, Fushë Arrëz u konstatua 1 parcelë me 2400 bimë narkotike të llojit cannabis – sattiva të cilat u asgjesuan me anë të djegies. Sakaq, dy armë zjarri, 40 cope fisheke model¬56, dhe 20 cope fisheke të kalibrit 9 mm u sekuestruan në cilësinë e provës materiale.
Gjithashtu po punohet për identifikimin dhe kapjen e personave që kanë përdorur armë zjarri gjatë operacionit policor. Materialet i’u referuan Prokurorisë së Rrethit Gjyqësor Pukë për veprat penale “Prodhim dhe mbajtje pa leje e armëve luftarake” dhe “Kultivimi i bimëve narkotike” të kryera në bashkëpunim parashikuar nga nenet 278, 284 e 25 të Kodit Penal.
