Emre Can ishte një nga liderët e mesfushës së Juventusit nën drejtimin e Allegrit sezonin e kaluar. Ndërsa me ardhjen e Sarrit, mesfushori gjerman u injorua totalisht, pasi ka luajtur vetëm 2 ndeshje me teknikun italian këtë sezon.
Tani 26-vjeçari është rikthyer në Bundesligë, aty ku do të luajë në huazim me Borussia Dortmund.
Po ashtu Borussia Dortmund ka edhe opsionin e blerjes për mesfushorin në përfundim të huazimit, për 25 milion euro.
Emre Çan ka lindur dhe është rritur në Gjermani. Aty ai filloi hapat e parë të karrierës me akademitë e futbollit në Frankfurt dhe më pas të Bayern Mynih.
Ai veshi për një vit fanellën e bavarezëve, për të kaluar më pas tek Bayer Leverkusen, në Angli tek Liverpool, në Itali me Juventusin dhe tani sërish në Bundesliga me verdhezinjtë për të mbajtur fanellën me numrin 27.
