Gjatë aktivitetit “Bujar Kapexhiu – 50 vjet me karikaturën” kreu i PD –së Lulzim Basha foli për kandidatin e PD-së për Bashkinë në Dibër Sherefedin Shehu.
“Dibranët nuk lypin, nuk kërkojnë mëshirë dibranët, por punë e dinjitet”, tha Bashan ë aktivitetin organizuar nga Shoqata “Bashkësia Dibrane” në Peshkopi.
Në këtë aktivitet morën pjesë drejtues dhe anëtarë të Shoqatës “Bashkësia Dibrane” të ardhur nga Tirana. Kryetari i shoqatës, Bujar Kapexhiu u bëri thirrje dibranëve të mos përsërisin gabimin por t’i besojnë një ekonomisti me përvojë drejtimin e Bashkisë.
Sipas Bashës, PD me kandidatin e saj, Sherefedin Shehu do bëjë gjithhçka që çdo dibran e dibrane të ndihet pjesë e këtij bashkimi të madh për sot dhe për nesër. “Do ta mbarojmë deomos Rrugën e Arbrit, amanetin tonë të papërfunduar”¬ tha ai. Kandidati për kryebashkiak Sherefedin Shehu theksoi se sëbashku me çdo dibrane ne do t’i rikthejmë dinjitetin Dibrës.
“Dua t’ju falenderoj dhe shpresoj që do ta justifikoj besimin tuaj. Shpresoj që Odën Dibrane do ta mbajmë atje ku e kanë vënë të parët tanë, ato burra të mençur, të zgjuar, punëtorë, atdhetarët të cilët kanë qenë prezentë që në Lidhjen e Prizrenit dhe që në shpalljen e Pavarësisë në Vlorë. Kështu që tani është radha ime dhe e juaja që ta ngremë emrin e Dibrës dhe të bëjmë një hap përpara në drejtim të ngritjes tonë, në drejtim të ngritjes së Dibrës dhe të rikthimit të dinjitetit” -tha ai.
Një mesazh e kishte edhe Bujar Kapexhiu. “Dhe unë si artist më takon, për ata që janë miqtë të mi, shok të të mi të të njejtit mendim, t’ju kërkoj ndjesë që ne artistët ju kemi sjellë në këtë derexhe. Nuk duhet të gabojnë më, sidomos dibranët e mençur. Sot në vendet udhëheqëse neve artistëve na lini aty të kontribuojmë për artin, për kulturën. Por juve duhet të vendosni që në këto vende duhet të jenë njerëz tamam të profesionit që të shikojnë tamam ekonominë, që të shikojnë prespektivën, duhen juristë dhe ekonomistë. Mos u ngatërroni me të tjerë se do të na merrni prapë në qafë” -tha ai.
