Një shqiptar humbi jetën në një aksident rrugor në Greqi, raportuan këtë të mërkurë mediat helene. Sipas të njëjtave burime, viktima është një 48-vjeçar, (gjeneralitetet e të cilit nuk bëhen me dije) i cili punonte si bari në Mavrovouni, Larissa.
Shqiptari është përplasur nga një kamionçinë që drejtohej nga një 48-vjeçar në autostradën Larissa-Karditsa.
Sipas dëshmisë në polici të drejtuesit të mjetet, ai ishte duke lëvizur kur dëgjoi një zhurmë, ndaloi, por nuk e kuptoi që kishte përplasur dikë për shkak të mjegullës. Kështu, u largua sërish.
Viktimës iu gjetën me vete dokumente identifikimi. Policia kontaktoi të afërm të tij, të cilët identifikuan identitetin e të ndjerit.
Ndërkohë, vijojnë hetimet lidhur me rastin. /BN/
