Policia e Shtetit ka publikuar gjeneralitet dhe foton e një tjetër personi që është pjesë e listës “Most wanted” (më të kërkuar në Shqipëri).
Bëhet fjalër shtetasin Engjëll Brahimi i dënuar me burgim të përjetshëm.
Në datën 10 gusht 2000, në vendin e quajtur “Pishporo”, në Fier, ky shtetas në bashkëpunim me shtetas të tjerë, ka vrarë me armë zjarri shtetasin A. B., punonjës policie, të birin e tij 8-vjeçar, si edhe i ka plagosur nipin 10 vjeç.
Engjëll Brahimi është dënuar me burgim të përjetshëm nga Gjykata e Shkallës së Parë Fier, për veprën penale “Vrasje me paramendim, për hakmarrje”.
Lista “Most wanted” përbëhet nga 50 persona të dënuar nga 25 vite burg deri në burgim të përjetshëm për vepra të rënda penale.
Policia bën të ditur se çdo ditë do të publikojë persona qe janë objekt i punës së Njësisë së Kërkimit.
Uniformat blu bëjnë thirrje se në rast se dispononi informacion mbi vendndodhjen e tyre, të njoftoni në “Komisariatin Dixhital” apo numrin falas 112, duke iu siguruar anonimat të plotë dhe reagim të menjëhershëm.
