Barcelona ka bërë ofertë për sulmuesin portugez të Bragas, Francisco Trincao, i cili cilësohet si “Ronaldo i ri”.
Kampionët në fuqi të spanjës, janë në kërkim të një sulmuesi për ta zëvendësuar Luis Suarez-in, i cili e ka humbur pjesën e mbetur të sezonit si pasojë e dëmtimit në gju.
Gazeta portugeze, ‘Record”, shkruan se Barça ka bërë ofertë në vlerë 20 milionë euro për Trincao.
20-vjeçari, i cili shumë shpesh luan si sulmues anësor dhe cilësohet si “Ronaldo i ri”, mund të luajë në çdo pjesë të sulmit.
Ai përfaqëson ekipin kombëtar U21 të Portugalisë momentalisht dhe ka shënuar tre gola dhe gjashtë asiste për Bragan deri tani këtë sezon.
