Bylisi blindon repartin ofensiv pasi ka siguruar firmat me argjentinasin Fabian Munoz, si dhe sulmuesin kurbinas, Flosard Malçi.
Ky i fundit deri dje është stërvitur me Flamurtarin, por duke parë gjendjen e rënduar në klubin vlonjat dhe faktin që nuk federohej dot, ka zgjedhur Bylisin një ditë para mbylljes së merkatos.
Malçi ishte pjesë e Laçit në periudhën gusht-dhjetor 2019, por duke qenë se nuk gjeti hapësira, prishi kontratën.
Ndërkohë, goditja më e madhe mund të quhet 28-vjeçari Munoz, i cili vjen nesër në Shqipëri. Argjentinasi ka luajtur në nivele të larta në vendin e tij te Njuells Olld Bojs, ndërsa së fundmi ka qenë në Qipro te Alki Oroklini.
