Botohet në Fletoren Zyrtare vendimi i Qeverisë që i hap rrugën ndërtimit të Kampusit Universitar me PPP.
Referuar vendimit, Bashkia e Tiranës përcaktohet si autoritet kontraktor për të ndërmarrë e për të zhvilluar procedurat për dhënie me koncesion/partneritet publik privat të projekteve: “Ndërtimi i kampusittë ri të Universitetit të Tiranës”, “Ndërtimi i godinës së Universitetit të Arteve të Tiranës” dhe “Ndërtimi i korpusit të Policisë së Shtetit”.
Në vendim thuhet se Komisioni, i cili do ngrihet nëpërputhje me parashikimet e ligjit nr.125/2013, “Për koncesionet dhe partneritetin publik privat”, të ndryshuar, përndjekjen e procedurave, sipas pikës 1 të këtij vendimi, përbëhet prej 9(nëntë) anëtarësh, nga të cilët 5 (pesë) anëtarë nga Bashkia Tiranë, 2 (dy) anëtarë nga Agjencia e Trajtimit të Koncesioneve (ATRAKO), 1 (një) anëtar nga Ministria e Arsimit, Sportit dhe Rinisë dhe 1 (një) anëtar nga Ministria e Brendshme.
Vendimi ngarkon Bashkinë e Tiranës të administrojë procedurat për dhënien me koncesion/PPP, në përputhje me ligjin nr.125/2013, “Për koncesionet dhe partneritetin publik privat”, të ndryshuar, të projekteve, me objekt: “Ndërtimi i kampusit të ri të Universitetit të Tiranës”, “Ndërtimi i godinës së Universitetit të Arteve të Tiranës” dhe “Ndërtimi i korpusit të Policisë së Shtetit”.
Lidhur me vendimin e botuar në Fletoren Zyrtare ka reaguar Partia Demokratike, sipas të cilës shembja e godinave në Qytetin Studenti ishte një aferë korruptive dhe pas saj qendron Erjon Veliaj.
“Sa herë bëhet fjalë për një leje ndërtimi, një koncesion/PPP abuziv, prishje dhe nxjerrje nga shtepitë, kudo është dora e tij!
Përveç shëndetësisë, rrugëve, mbetjeve, tani i erdhi radha edhe arsimit që të koncesionohet!”, thuhet në reagimin e PD.
