Ish-deputetja demokrate, Albana Vokshi, ka bërë publik një tjetër mashtrim të kryeministrit Edi Rama me arsimin publik.
Në postimin e saj Vokshi shkruan se edhe pse Edi Rama dhe ish-ministrja e Arsimit Lndita Nikolla u betuan se do të depolitizonin arsimin, në krye të zyrave arsimore në vend pritet të kemi emërime politike.
Vokshi ka publikuar edhe listat me emrat, të cilat nxjerrin hapur mashtrimet e Edi Ramës.
Siç shihet edhe nga lista e publikuar nga Vokshi ish-deputetja rilindase Allhysa e cila ka mbajtur post drejtues në ZVA-në e Durrësit, tani pritet që të marri të njëjtin post në Tiranë.
Ndërkohë që drejtuesja e ZVA-së së Dibrës Brikena Dani e cila edhe pse është s’kualifikuar vijon të mbajë të njëjtin post vetëm se është vajza e xhaxhit të deputetes rilindase Xhembulla.
Ja postimi i Vokshit:
Mashtrimi i Ramës me depolitizimin e arsimit!
Kryeministri Rama dhe atëherë ministre Lindita Nikolla u përbetuan se do të depolitizonin arsimin.
Por emërimet vijojnë të jenë super politike. Dy rastet e fundit janë:
- Ish deputetja e PS Allhysa, pasi ndenji në drejtimin e ZVA Durrës, tani pret të marrë të njëjtën detyrë në ZVA Tiranë.
- Ndërkaq në Dibër edhe pse drejtuesja aktuale e ZVA, Brikena Dani është skualufikuar nga gara për drejtimin e ketij institucioni (shihni listat më poshtë) vijon detyrën vetëm pse është vajza e xhaxhait të deputetes së Peshkopisë Xhembulla.
