Interi sapo ka konfirmuar që Christian Eriksen është lojtari më i ri i skuadrës.
Mesfushori danez, ka nënshkruar një kontratë prej 4 vitesh e gjysmë që do ta mbajë atë te klubi deri në qershorin e vitit 2024.
Për sa i përket shumës që zikaltërit kanë hedhur në arkat e Tottenham, akoma nuk është bërë zyrtare por sipas disa mediave në Itali, Interi ka paguar 20 milionë euro për shërbimet e fantazistit.
Kontrata e Eriksen me Tottenhamin skadonte në qershor të këtij viti, por zikaltërit e donin futbollistin gjatë këtij sezoni për të arritur objektivin për tu shpallur kampionë të Serisë A.
https://twitter.com/Inter/status/1222142280800329729
