Humbja e thellë 4-0 në fushën e Krasnodarit, në ndeshjen e parë të Play-Off-it të Europa Leagues tregoi limitet e Partizanit në përballjet me kundërshtarët europianë. Të kuqtë e kanë të qartë se në përballjen e kthimit që do të zhvillohet në Elbasan Arena do ta kenë të pamundur për të shënuar një rezultat që do t’i kualifikonte në fazën e grupeve.
Edhe pse mundi të eliminonte Ferencvarosin në raundit e dytë të Championsit, Partizani nuk marrë qoftë një fitore në 90 apo 120 minuta lojë. Formacioni i Sormanit ka barazuar 1-1 me kampionët e Hungarisë në Elbasan Arena me një supergol të Realdo Filit dhe ka regjistruar të njëjtin rezultat edhe Budabest falë një autogoli të skuadrës vendasve. Me Salzburgun Partizani u eliminua me rezultat të përgjithshëm 3-0 pa mundur të shënojë, ndërsa me Krasnodarin zhvilloi ndeshjen me të dobët në Europë. Tashmë të kuqtë duhet ta kthejnë vëmendjen në Kategorinë Superiore, ku synojnë të fitojnë trofeun e kampionit, që u mungon nga viti i largët 1993. Për të rivalizuar më Skenderbeun dhe Kukësin, por edhe më Tiranën, 15 herë kampionët e Shqipërisë kanë nevojë për përforcime në fazën sulmuese, cka u kuptua qartë edhe në përplasjet europiane.
Ekuban një lojtar i shpejtë dhe mjaft teknik nuk është sulmues i parë, ndërsa të rinjtë Vatnikaj dhe Jaupaj ndoshta e kanë të vështirë të mbajnë të vetëm peshën e sulmit. Për ketë arsye në kampin e kuq janë të angazhuar maksimalisht në që ditët e fundit të merkatos të mbërrijë një sulmues vërtet cilësor. Sormani me njohjet që ka në futbollin italian, mësohet se ka premtuar të sjellë në kryeqytet të paktën një emër të rëndësishëm, të nivelit të Ekuban, megjithatë për momentin nuk ka një marrëveshje konkrete.
