Policia e Korçës ka vënë në pranga një 18-vjeçar pasi dyshohet si autor i vrasjes së shtetasit Flamur Duçi. Ky i fundit u gjet i pajetë mëngjesin e djeshëm pranë biznesit të tij në fshatin Mborje.
Personi i arrestuar është shtetasi Devis Hoti, banues në fshatin Mborje. 18-vjeçari ka qenë një person i njohur për policinë e Korçës pasi ka qenë dhe më parë i dënuar për plagosje të rëndë me dashje.
Sipas hetimeve, dyshohet se vrasja e 48-vjeçarit Duci, ka ardhur pas një sherri për motive të dobëta.
Burimet thonë se autori i krimit ka shkuar në lokalin e viktimës dhe fillimisht janë konfliktuar verbalisht. Më pas kanë dalë jashtë te pjesa e oborrit. Pas sherrit me grushta, autori ka nxjerrë thikën duke e qëlluar disa herë. Si pasojë, Duci ka gjetur vdekjen menjëherë. I dyshuari ka tentuar edhe të djegë viktimën, në përpjekje për të zhdukur gjurmët.
Autoritetet njoftojnë se vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.
Ndërkohë, i ati i të ndaluarit mohon që i biri të ketë gisht në krim.
“Me viktimën binim kushërinj. Djali ka qenë në shtëpi mëngjesin e djeshëm dhe kemi patur marrëdhënie normale me shtëpinë e Flamurit. Policia na e mori djalin edhe ne dhamë deklaratën tonë në polici”, u shpreh babai Devis Hotit për mediat.
Misteri i vrasjes në Korçë/ Kush është viktima (FOTO). Pistat ku po hetohet
Vrasja në Korçë/ Fqinjët ngrenë dyshime për familjarët e ish-gruas: Ata e kanë bërë me nge, asaj ….
