Personi që shihni në fotografi është Flamur Duçi, 45 vjeç, i cili u gjet i pajetë mëngjesin e sotëm në Mborje të Korçës.
“Rreth orës 07.15, jemi njoftuar se në fshatin Mborje, pranë lokalit të tij, është gjetur i pajetë nga bashkëfshatarët, shtetasi F.D., rreth 45 vjeç. Grupi hetimor ka mbërritur menjëherë në vendngjarje dhe po punon për zbardhjen e rrethanave të ngjarjes”, thuhej në njoftimin paraprak të policisë së Korçës.
Burime pranë grupit hetimor bënë me dije se në trupin e viktimës u konstatuan plagë, që dyshohet se janë shkaktuar nga një mjet prerës. Gjithashtu në trupin e pajetë u konstatuan shenja djegie. Rrethanat ngrenë dyshimin se 45-vjeçari është vrarë me mjete prerës dhe trupit është tentuar ti vihet flaka.
Hetimet vijojnë për të zbuluar shkakun e ngjarjes, ndërkaq burime bëjnë me dije se janë shoqëruar familjarët e ish-bashkëshortes së Duçit, pasi viktima ishte i ndarë dhe jetonte i vetëm.
Familjarët dhe fqinjë të Flamur Ducit kanë ngritur dyshime se ai mund të jetë vrarë nga familjarët e ish-gruas së tij me të cilën ka dy vajza.
Policia, ende nuk ka rënë në gjurmët e autorëve të krimit, ndërsa përveç pistës se konflikteve brenda familjes, po heton edhe atë të grabitjes.
Duçi njihej si person i qetë në fshat. /Boldnews.al/
Ngjarja në Korçë/ “Kush e vrau”, Motra shpërthen në lot për të vëllain (VIDEO)
