Gjykata e Tiranës dha këtë të mërurë vendimet për çështjen “Geron Xhafaj”. Gjykatësi Artan Gjermeni dënoi Fredi Alizotin me 2 vite burgim dhe Albert Veliun me 3 vjet e 5 muaj burgim. Për ish-deputeti Ervin Salianji dha 1 vit burgim, ndërsa për gazetarin Jetmir Olldashi 6 muaj burgim i konvertuar në 100 orë punë publike.
Pas vendimit, sekretari i Përgjithshëm e PD-së, Gamend Bardhi deklaroi se vendimi u dha nga një anëtar i bandës së Lushnjes, duke iu referuar gjyqtarit Artan Gjermeni.
“Vendim i pritshëm. asnjë surprizë nga gjyqtari Artan Gjermani, anëtar i bandës së Lushnjës. Mbajeni mend këtë që po iu them, në momentin e parë që do kalojë në veting do shihni se kjo që po iu them është e vërtetë. Ish-deputeti Ervin Salianji dhe gazetari Jetmir Olldashi janë dënuar jo nga gjykata por nga një anëtar i banës së Lushnjës. Garantojmë qytetarët që ky vendin vetëm s’do na ndalë në betejën e përditshme kundër qeverisë që bashkëpunon me krimin, por na bën më të fortë”, tha Bardhi.
“Banda e Lushnjes dhe banda e Agron Xhafajt u bënë bashkë për të dënuar ish-deputetin e PD dhe gazetarin”, shtoi Bardhi.
Ish-deputeti Ervin Salianji deklaroi se vendimi ishte i pritshëm, i dhënë duke u bazuar vetëm në dëshirën politike të kryeministrit. Salianji tha se do apelojë vendimin.
“Nuk ka mafia, nuk ka llum, që më ndalin dot dhe as nuk më izolojnë dot. Kanë tërhequr këtë llucë këtu ku janë për të kontrolluar gjyqtarë dhe prokurorë që e kanë të partisë të vet. Më bëjnë të privilegjuar që jam unë në këtë proces kundër socialistëve, më bëjnë që të jenë me shumë i rëndësishëm. Nuk me tremb aspak. Do të kemi kohë për të folur për skandale të tjera”, u shpreh Salianji.
