Presidenti Ilir Meta ka publikuar spotin e dytë “në mbrojtje të Kushtetutës”, ku akuzon kreun e KED, Ardian Dvorani. Kreu i shtetit shkruan në Facebook se spoti i dytë është shterues dhe u përgjigjet disa prej pyetjeve të spotit të parë.
Sipas tij, Dvorani ka shkelur Kushtetutën, ligjin, KED si dhe i ka rrëmbyer kompetencat kushtetuese presidentit.
“Në vijim të spotit të parë, sot autorizova publikimin e spotit të dytë zyrtar në mbrojtje të Kushtetutës dhe integritetit të Gjykatës Kushtetuese. Disa nga pyetjet që lidhen me spotin e parë, marrin një sqarim shterues përmes këtij spoti të dytë që po ndaj me ju”, shkruan Meta në komentin bashkangjitur videos.
Kreu i shtetit e ka kallëzuar penalisht kreun e KED për veprat penale të “Shpërdorimit të Detyrës” dhe “Përvetësimi i titullit apo i detyrës shtetërore”.
Lexo edhe:
Meta publikon spotin kundër Dvoranit: Si u përdor për kapjen e Kushtetueses? (VIDEO)
